咖啡店見聞錄 - Antico Caffe Greco - 羅馬

嚟咗意大利咁多日，飲咗好杯Espresso，其實都冇目標要試呢間試果間，亦冇做工課邊間出名，只係行到邊就飲到邊。

今日就去西班牙廣場，路經一條開滿名店LV，Prada ，Dior ，HERMES 嘅街，其中呢間鋪份外顯眼就係呢間Caffe＂Antico Caffe Greco＂有好多人排緊隊，LV等⋯名店都係冇咩人排隊架!（後來先知呢問嘢大有來頭係羅馬3大Caffe，店內裝修風格古典華麗，牆身有好多大幅壁畫裝飾，古色古香。

 

原來Antico Caffè Greco 堪稱羅馬最古老的咖啡館，創立於 1760 年，全意大利大概只有威尼斯的Caffe Florian咖啡店同佢有得Fight。好多歷史上著名的文學家與藝術家，如歌德、濟慈、拜倫、李斯特、華格納等，都曾是這裡的常客。）

咁我地一行4人都話想試下啦!入到店分企位的Espresso bar 同座位Caffe兩部份，先睇下價錢有分別先! （又Cheap精上身）嘩! 企位同座位價錢差四倍，1杯Esp 企位 €1.5，但座位就要€6，咁同行3位精打細算嘅朋友就話不如＂攞走＂去西班牙廣場道飲啦!


咁⋯好啦⋯3對1你地話事! （其實我想座低飲。豪D架）

去買飛比錢時，問下有冇得Take away先，收銀小姐回我一句＂Take away＂ 我答Yes! Four Espresso Take away Please! 佢⋯眼神莫名奇怪!!
買好飛就去Bar枱交比barista 並同佢講多次＂Take away＂。
佢反應好大咁問我＂Take away＂SURE＂ 我答＂SURE＂佢啤咗我一眼!

跟著就好燥底咁用意大利文同其他barista講：「沖4杯Espresso攞走!!」我諗係咁。
跟著眼前有4杯用十幾年前大陸飲水機（軟腍腍果D膠杯）裝住嘅Espresso，我地4個人⋯八目交投! ⋯叮一聲明晒! 原來本地人根本唔會外買咖啡!
（之後上綱爬文先知道意大利嘅咖啡文化，Caffe同Espresso bar 係佢地忙到死都會去鬆一鬆慨蛇竇，點會買外賣呢!⋯仲有＂攞走＂佢地就用唔到瓷器杯又保証唔到咖啡溫度影響晒D質素，所以barista一般到唔Like!）


真係＂攞走＂杯啡質素差好遠⋯好快就凍左! 冇晒香味! 仲有D變酸!
經過今次「港燦⋯咖啡名店＂攞走＂事件!」之後學識咗⋯咖啡係要嚟享受! 唔係牛飲架!
所以大家以後去飲杯好咖啡都係唔好＂攞走＂啦!!
Antico Caffe Greco 我會再返嚟架!!

店名：Antico Caffe Greco
地址：Via Condotti 86
Piazza di Spagna
Rome
Italy